تاند- د افغانستان د ملي امنیت سلاکار محمد حنیف اتمر وايي، روسیه او امریکا باید په افغانستان کې د سولې او ثبات د راوستلو لپاره خپلې هلې ځلې شریکې کړي او افغانستان په خپل منځ کې د همکارۍ په میدان بدل کړي.
اتمر د روسیې له سپوتنیک خبري اژانس سره په مرکه کې وویل«موږ هیله لرو چې افغانستان به د نورو کلیدي لوبغاړو په شمول د امریکا او روسیې لپاره د همکارۍ پلېټ فارم وي ځکه چې موږ ټول غواړو چې کابل د تروریزم او مخدرو مواد پر ضد په جګړه کې بریالی شي او سولې ته ورسېږي. موږ باور لرو چې اوس هغه وخت راغلی چې افغانستان د مشارکت په میدان بدل کړو، نه له یو بل سره د ټکر پر پلېټ فارم.»
اتمر د افغانستان د سولې په بهیر کې د امریکا د رول په اړه وویل چې کابل له متحدو ایالتونو د مشخصو وړاندیزونو تمه لري.
«زموږ د مشرانو ترمنځ په دوو ټېلفوني تماسونو او د نورو جګپوړو چارواکو په خبرو کې، موږ له امریکايي لوري څخه دا ډاډ ترلاسه کړ چې دوی د تروریزم پر ضد په جګړې او د ملي پخلاینې په برخه کې زموږ ګډو ګټو ته زیات پام لري. د امریکا متحدو ایالتونو په دې مسله کې خپله ژمنتیا تایید کړې ده. موږ ښه باور لرو، خو دا پالیسي باید پر عملي اقدام او پروګرام بدله شي. د امریکا حکومت تازه کار پیل کړی او موږ ورڅخه د مشخصو وړاندیزونو تمه لرو، هماغه راز چې موږ له وړاندې څخه وړاندیزونه ورته کړي دي.»
حنیف اتمر د جمعې په ورځ په مسکو کې د روسیې له بهرنیو چارو وزیر سرګی لاوروف او د ملي امنیت سلاکار نیکولای پاتروشیف سره ولیدل.
IN LAST TIME MANY AFGHANS SAIDE AND THEY WROTE IN MEDIA;
HOW THEY SAY;IF AFGHANISTAN CHANGE TO ONE BUFER
ZONE BETWEEN AMERICA+NATO&RUSSIA/
SAUDI ARABA/IRAN/INDIA&PAKISTAN/CHINA/
AFGHANISTAN HAVE EQUAL DIPLOMACY WITH ALL ABOVE
COUNTRY.PEACE WILL COME TO AFGHANISTAN.
I HOPE THAT,
THANK YOU