ارزانه شهرت که لیونتوب، دوو خویندو۱۷ لکه روپۍ و سوځلې

ژباړه: احمد شاه پاڅون –

دوو خویندو ناهیدې او روبینې د پنجشنبې په ورځ د یوه بانګ له یوې ځانګړي څانګي څخه د خپلو ۲۸ لکو پاکستانۍ کلدرارو له منځه  ۱۷ کله روپۍ و ایستلې او په نامعلوم علت یې د ټولو نوټونو څخه شمیرې په بیاتي (قیچي) غوڅي کړې او د بانګ مخي ته یې اور ورته کړ. په دې وخت کي ځینو کسانو د اور د مړ کولو او د پیسو د سوځلو د علت پوښتنه وکړه چي یوې ښځي توفنګچه ورته سمه کړه او و یې ویل که ورنه لري نسي نو و به یې وژني.

کله چي د بانک د څانګې له مسول څخه د ښځو په اړوند وپوښتل سوه هغه وویل چي دا دواړي خویندې د ۱۰ لکونو راهیسي د دوی مشتریانې دي او تر دې وړاندي یې هم له خپله حسابه پیسې ایستلي دي. هغه وویل د اصولو له مخي د ښځو شهرت او معلومات نسي په ډاګه کولای.

مګر ځینو ویلي چي دا پېښه د بانګ د مسول د بې کفایتۍ له امله را منځ ته سوې، ځکه هغه پرته له کوم اخطاره ښځو ته په یو ځل دومره زیاتي پیسې ورکړي دي.

د سیمي امنیتي مسول مرزا جاید ویلي چي دواړي خویندي دماغي ناروغي لري، (( موږ د کلي له اوسیدونکو څخه و پوښتل، هغوی دواړي لیونیاني دي، تر دې وړاندي هم هغوي د خپل پلار سرمایه په دې ډول له منځه وړې وه، موږ د هغوی په اړه څارنه او پلټنه پیل کړې، موږ بوخت یو چي د پیښي له سیمي شواهد را غونډ کړو. ))

پولیس د ښځو کور ته ورغله مګر ښځي له هغه ځایه تښتېدلي وې. د ښځو عمرونه ۳۰ او ۳۵ ښودل سوي او ویل کیږي چي دواړو تر دا مهاله ودونه ندي کړي.

د څار د میز د معلوماتو پر بنسټ دواړو خویندو له خپل پلار سره د واده پر سر ستونزه لرله، ځکه پلار یې له دې ویريې د هغوی ودونه نه کول چي جایداد به یې تقسیم سي .
د ښځو ورور اظهر ویلي چي دواړي خوندي یې روحي ناروغي لري او د بانک مسولین یې هم پوه کړي وه چي دوی ته دې هیڅ ډول پیسې نه ورکوي د هغوی یو بل ورور ظفر وايي د ښځو په ناروغۍ پوهیدو سر بیره هم د بانک کارکوونکو ډير بې مسلکه او بې مسولیته کار وکړ.