تاند، پنجشنبه، د حوت لومړۍ: د پښتونخوا ملي ګوند یا نیشنل پارټۍ مشر اسفندیار ولي خان ولسنشر غني ته د دویم ځل واک سمبالونې او په ټاکنو کې د بریا مبارکي وویله.
ښاغلي اسفندیارولي خان پر خپله ټړیټر پاڼه لیکلي: ((افغان ولسمشر ډاکټر اشرف غني ته په دوېم ځل د افغانستان ولسمشري دې مبارک وي، دا د دې خاورې او د ولس د خپلواکۍ، جمهوريت او امن لپاره لوی زېری دی.))
نوموړي ویلي، افغان ولس هم د ستاینې وړ دی چې په دومره ستونزو کې یې د خپل مشر د ټاکلو لپاره له خپل جمهوري حق څخه استفاده وکړه او رایه یې وکاروله.
دغه ملتپال مشر ویلي چې په افغانستان کې امن د ټولې منطقې د امن لپاره مهم دی.
تر ده وړاندې د پښتون ژغورنې غورځنګ مشرانو محسن داوړ، علي وزیر، وړانګې لوڼۍ او ثنا اعجاز هم په وار سره ولسمشر غني ته د بیا ځل ولسمشر کېدو مبارکي ورکړې او د افغانستان د سوکالۍ هیله یې ښودلې وه.
ولسمشر غني ته له نړیوالې ټولنې او ګڼو سیاسي مشرانو له لوري د مبارکیو رارسیدو لړۍ روانه ده.
د لر اوبرعظیم افغان ملت په یوه چټکه بیداری سره روان دی د خپل ارتقا او پیشرفت قدمونه اخلی ، تل دی دا عظیم ملت متحد ، آباد سرلوړی او په خپلو پښو ولاړوی – د اسفندیار صاحب نه ډیر مننه ,