اغلې رحماني ډېر افغانان نهیلي کړل/ عبدالباری:حمیدی

موږ ټول همداسې یو، واک ته د رسیدو لپاره هرڅه چې مو له وسه پوره وي ترسره کوو یې، بل سر ترپښو لاندی کوه خو خپل هدف ته ځان رسوه. په هغه هېواد کې چې په موږ یې یوه لسېزه روزنیز او ښوونیز کار کړی، زموږ لپاره یې غربې هېوادونو ته د مرستې راغونډولو لپاره لاس دراز کړي وي. زموږ لپاره یې خپل سره تیټ نیولی وي. وايي زه دې سرټیټی یم. خو! د هېواد میړني بچی مې دې بې تعلیمه ورځ ونه وینې، نه غواړې له تاسو څخه نورهېوادونه ګټه پورته کړي د هېواد مشر، وزیر، رئیس اویا هم نور لوړپوړې چارواکي دا هرڅه د ځان لپاره نه بلکې ستاسو لپاره کوي.

خو! موږ ته راشه په مقابل کې یې څه کوو، د دی په ځای چې هېواد مو په پښو ودروو لا یې خرابوو، په مقابل کې یې دښمنان جوړیږو، د شپې د طالب په نامه د خلکو په کورنو ننوځو او د ورځې له دولت سره خپلوي پالو، په ټولګټو پروژو کې یې کارونه ترسره کوو. له یوې چینې څخه هم خورو اوهم یې څښو، هرڅه راته بل رقم ښکاریږی موږ دومره ظالمان یوو چې هیڅ مو په خپل هېواد زړه نه بدیږی، له هرڅه نه نا امیده یو کله موهم په خپل هېواد باوری نه یو، که هر یو مو له هېواد سره همداسئ چلند وکړو داسې وبوله چې په لوی لاس مو هېواد نور ته په لاس کې رکوو کوم خیانت نه وي چې موږ دي له هېواد سره ونکړو. دلته چې هرڅوک کار کوي د خپل ځان لپاره یې کوي د ملت اوهېواد غم ورسره نه وي.

آغلې نیلوفر رحمانې مې د افغان ښځینو لپاره د زړورتیا  یوه بیلګه وه. رحمانې په ۲۰۱۵ کال په واشنګتن کې د ښځو د زړورتیا نړیواله جایزه ترلاسه کړه، د ښځینو لپاره یې ډیره غټه قربانې ورکړې ده، نورې افغان میرمنې دې ته وهڅولې چې هغوی هم خپلو هیلو ته ورسېږي، هرې یوي د نیلوفر په شان هڅه کوله خپله اتلولې وښیې، د دی په شان د هېواد نورو میرمنو د دې لاوره وستایله او ډیرو ژمنه وکړه چې د نیلوفر په لاره قدم کېږدي، آغلې رحماني د هېواد له مشهورو ښځینه پلوټانو څخه یوه وه، هغې په ۲۰۱۳کال کې د هرات د شینډنډ په نظامې هوایې اډه کې ویلې وه چې د ژوند تر اخیره به د خپلو افغان نظامې کمانډویانو په څنګ کې د خپل هېواد له دښمن سره جکړه کوي د هغوی جرړې به وباسي او د ژوند ترپایه به خپل هېواد ته ژمنه پاته کېږي خو له پرونه راهیسې د هېواد دا اتله په خپلو هغو خبرو چې په شینډنډ کې یې کړې وې ځان پیښمانه کوې، دېته خپله خبره ټوکه ښکاري.