تاند- د نیوزیلنډ تکړه لوبډلې د کرکټ د نړیوال جام په سیالیو کې نن د افغانستان ملي ټیم ته په شپږو ویکټونو په داسي حال کې مات کړ چې ۸۳ توپونه یې لا لرل.
افغانستان کوربه هیواد نیوزیلنډ ته ( ۱۸۷) منډې هدف ټاکلی و.
له نیوزیلنډ څخه د نړیوال نړیوال جام په سیالیو کې هیڅ ټیم دومره منډې نه دي اخیستي.
له دې مسابقې سره نیوزیلنډ په خپل اې ګروپ کې ۵ مسابقې کړي او واړه یې ګټلي دي خو افغانستان په ۵ مسابقو کې یوازې یوه ګټلې ده.
نیوزیلنډ ۱۰ امتیازونه لري او د اې ګروپ په سر کې دی خو افغانستان ۲ امتیازونه لري او یوازې تر سکاټلنډ وړاندې دی.
نن پچه افغانستان وګټله او غوره یې وګڼله چې لومړی بیټنګ په خپله وکړي.
د افغانستان لپاره تر ټولو زیاتې منډې نجیب الله ځدراڼ وکړې. ده په ۵۶ توپونو ۵۶ منډې وکړې.
سمیع الله شینواري بیا په ۱۱۰ توپونو ۵۴ منډې وکړې.
دغه راز نوروز منګل په ۵۸ توپونو ۲۷ او حمید حسن په ۲۱ توپونو ۱۶منډې وکړې خو د افغان ټیم اوپینران یا لومړي دوه لوبغاړي جاوید احمدي او عثمان غني ډېر ژر وسوځېدل.
د نیوزلنډ باولر ډي جې ویتوري ۴ او ټي اې ابولټ ۳ افغان لوبغاړي وسوځول.
نن په اې ګروپ کې بله مسابقه د استرالیا او سریلانکا ترمنځ ده.
پرون په بي ګروپ کې پاکستان جنوبي افریقا او سکاټلنډ – زیمبابوې ته ماتې ورکړه.