تاند- د افغانستان حکومت د جمعیت علمای اسلام ګوند د مرستیال مولانا ګل نصیب هغه څرګندونې رد کړې چې ګنې د افغانستان حکومت له خپلو محبسونو څخه دوه نیم زره پاکستانیان خوشي کوي.
د مولانا فضل الرحمن په مشرۍ د پاکستان د جمعیت علمای اسلام ګوند یو پلاوی تېره اوونۍ کابل ته راغی او د ولسمشر کرزي په شمول یې له یو شمېر افغان چارواکو سره وکتل.
دغه پلاوي پاکستان ته له ستنېدو وروسته ادعا وکړه چې ولسمشر کرزي ورسره ژمنه کړې چې د افغانستان له محبسونو څخه به هغه ۲۵۰۰ پاکستاني بندیان خوشي کړي چې د طالبانو په ګټه په جګړه کې د افغانستان امنیتي ځواکونو نیولي دي.
د مولانا ګل نصیب څرګندونې د یو شمېر افغانانو له سخت عکس العمل سره مخامخ شوې ځکه چې د دوی په وینا دا کسان په جګړه کې د ګڼو افغان امنیتي ځواکونو د قربانیو په بدل کې نیول شوي دي.
پاکستان ټوډې ورځپاڼې د افغانستان د ولسمشر د ویاند ایمل فیضي په قول ویلي چې ولسمشر کرزي داسي هیڅ ژمنه نه ده کړې چې پاکستاني بندیان به خوشي کوي.
ایمل فیضي دا هم ویلي چې ولسمشر کرزي د مولانا فضل الرحمن غوښتنه په زغرده رد کړې او ورته ویلي یې دي چې مجرمان نه شي خوشي کولی.
په دې اړه نور جزییات په دې راپور کې ولولئ:
These pakis are killer of our national army and our people afghans administration must hang these Pakistani terrorist soon as possibal