تاند، شنبه، د قوس ۳۰: د ښځو د حقونو افغانې فعالې زرقا یفتلي د ملګرو ملتونو د پراختیايي برنامې “N-Peace” جایزه ترلاسه کړه.
د ملګرو ملتونو پراختیايي پروګرام پرون د زرقا یفتلي په ګډون د یوولسو ګټونکو نوملړ اعلان کړ.
هغوی چې د UNDP یا د ملګرو ملتونو پرمختیايي برنامې په وینا دا جایزه ورکول کېږي، د شخړو په حل او مخنیوي کې یې برخه اخیستې او د سیمې خلکو ته یې د سولې راوستلو په هڅو کې برخه اخیستې.
د دغې جایزې ګټونکې زرقا یفتلي د افغانستان د ښځو او ماشومانو د څیړنې مرکز رییسه ده ، چې د ښځو د ودې ، سولې او امنیت لپاره یې د څیړنې ، عدالت او ملاتړ په برخه کې د هغې د کار له امله جایزه ترلاسه کړه.
اغلې یفتلي نن په خپله فېسبوک پاڼه لیکلي:”خوشبختانه ، د N-Pace جایزې لپاره نومول شويو ډیری نوماندانو څخه ، ما هم دا جایزه د افغانستان لپاره وګټله.”
د N-Peace جایزه په کال ۲۰۱۰ کې تاسیس شوه. دا جایزه د UNDP یو له نوښتونو څخه دی چې د ښځو د حقونو فعالینو او مدافعینو پوهاوی لوړوي.
تر دې دمه دغه جایزې په اوو هیوادونو افغانستان ، انډونیشیا ، میانمار ، نیپال ، پاکستان ، فیلیپین او سریلانکا کې ۱۰۰ تنو نارینه او ښځینه و ته ورکړل شوې ده.
د یادونې وړ ده چې سږ کال د افغانستان ، انډونیزیا ، نیپال ، میانمار ، سریلانکا ، فیلیپین او پاکستان څخه ۴۸ نارینه او ښځو د ملګرو ملتونو د سولې پرمختیا برنامې د دغې جایزې لپاره آنلاین سیالي وکړه.
جنګونه هم موږ کوو، د نړۍ په نیابت یواو بل نوم مرګونه او وحشتونه هم موږ کوو، پردو لپاره رنګ رنګ رزالتونه هم موږ کوو، یوبل داړل هم موږ کوو یوبل څیرل هم موږ کوو خو د سولې جایزې هم موږته راکول کیږي، حیران حیران یم ههههه،