په متحده عربي اماراتو کې مېشت افغان سوداګر او د ځدران ګروپ اف کمپنيز رحيم خان ځدران لخوا د کرکټ ملي لوبډلې ته ٢٠ زره امريکايي ډالر ډالۍ شوه.
په دې اړه تېره شپه يوه غونډه جوړه شوې وه، پکې د افغانستان کرکټ بورډ اجرائيوي رييس ډاکټر نور محمد مراد، د ملي لوبـډلې غړو ، داداري پلاوي غړو، ملي سوداګر رحيم خان ځدران او د هغه د کمپنۍ يو شمېر نورو غړو برخه اخيستې وه.
په دې غونډه کې چې دياد ملي سوداګر لخوا د کرکټ د ملي لوبډلې په وياړ مېلمستيا ورکړه او بيا يې ورته ٢٠ زره امريکايي ډالر ډالۍ ورکړه.
د افغانستان کرکټ بورډ اجراييوي رييس ډاکټر نورمحمد مراد له ياد ملي سوداګر څخه مننه وکړه چې د خپل ملي احساس له مخې يې ملي لوبډلې ته يې مېلمستيا او ډالۍ ورکړه.
هغه زياته کړه چې د ملي سوداګرو او نورو خلکو لخوا د ملي اتلانو تشويقوي ښې پايلې لري او دوى به وهڅول شي چې په راتلونکې هم ښې لاسته راوړنې ولري.
ديادونې وړ ده چې وړمه ورځ هم په شارجه کې دافغانستان د کونسلر او يو شمېر سوداګرو لخوا د افغانستان د کرکټ ملي لوبډلې ته نړيوال جام ته دلار موندنې په وياړ ٣٠ زره امريکايي ډالرو مرسته شوې وه
