تاند- د افغانستان د فوټبال د ۲۳ کلنو لوبډله د ۲۰۱۶ کال د المپیک لوبو ته د تیاري لپاره دوبۍ ته لاړه څو هلته په توده هوا کې تمرینونه وکړي.
د افغانستان د ۲۳ کلونو د فوټبال ټیم د برازیل د ۲۰۱۶ کال المپیک مسابقو ته تیاري نیسي.
افغان ټیم به په دوبۍ کې ۶ ورځې تېرې کړي او په تمریني کمپ کې به برخه واخلي.
افغان لوبغاړي د دوبۍ په الشباب کلب کې تمرین کوي.
په همدې حال کې د افغانستان د فوټبال د فدراسیون سرچینو تاند ته وویل چې د ملي لوبډلې روزونکی یوسف کارګر روغتیايي وضعیت ښه شوی او بېرته له ټیم سره یوځای شوی دی.
