تاند- امریکايي سناتور کاري ګاردنز (Cory Gardner) د اتو هیوادونو له سفره وروسته د دوشنبې په ورځ په واشنګټن کې وویل، دا ډېره مهمه ده چې امریکايي مشران هغه ګڼې تېروتنې چې په عراق کې یې وکړې، په افغانستان کې تکرار نه کړي.
د جمهوریتپال ګوند د کلوراډو ایالت سناتور ګاردنر له افغانستانه د ځواکونو د ایستلو د ورو کولو په باب د سپینې ماڼۍ وروستۍ پرېکړه عاقلانه وبلله او په افغانستان کې یې د امریکايي پوخیانو د حضور پر دوام تاکید وکاوه.
ولسمشراوباما تېره میاشت له افغانستانه د ځواکونو د ایستلو پروګرام یو څه ورو کړ خو اصلي مهالوېش یې نه دی بدل کړی. له نوې پرېکړې سره سم به د سږ کال تر پایه له ټولو ۱۰۵۰۰ سرتېرو څخه ۵۵۰۰ پوخیان له افغانستانه نه وځي. تر دې یو څه لږ پوځیان به ووخي خو ټول به د ۲۰۱۶ کال تر پایه ووخي.
ډېر امریکایان وايي چې که ټول ځواکونه هم وباسي، طالبان له جګړې لاس نه اخلي نو بهتره ده چې د افغان امنیتي ځواکونو تر پوره مسلط کېدو پوري پوخیان ونه ایستل شي.
سناتور ګاردنر په عراق کې د اسلامي دولت یا داعش ظهور او د ګڼو سیمو لاندې کولو ته په اشارې وویل:«نه غواړم چې د افغانستان حالات هم د عراق په شان خراب ووینم.»
داعش د عراق او سوریې ګڼې سیمې نیولي او په دغو سیمو کې یې د تمدن نښې نښانې له منځه وړي دي.
ده همداراز وویل:«باید دا یقیني کړو چې موږ افغانستان داسي حالت ته رسولی شو چې افغانان د ځان دفاع په خپله کولی شي.»
له سناتور ګاردنر څخه وپوښتل شول چې د ده په فکر امریکايي پوځیان باید ترکله په افغانستان کې پاتې شي، ده دا مسله په سپینې ماڼۍ او دفاع وزارت پوري تړلې وبلله، ویې ویل:«دا داسي مسله ده چې زموږ ولسمشر، قومندانان او د جګړې په میدان کې مشران يې په اړه اټکل کولی شي.»
اکثره امریکایان فکر کوي چې که ټول ځواکونه له افغانستانه کاملاً ووځي د دوی په پانګونه د تېرو ۱۳کلونو ټولې بریاوې به ضایع شي او که لږ شمېر پوخیان یې په افغانستان کې پاتې وي نو د اړتیا په صورت کې به د افغان امنیتي ځواکونو ملاتړ په اسانه کولی شي. دوی د دې لپاره هم دا مسله ضروري بولي چې طالبان په هغه حد کې پیاوړي نه دي چې د عراق د حکومت مخالف وسله وال دي. طالبان نه کوم لوی یا کوچنی ښار او نه کوم ولایت په کنترول کې لري. افغان ځواکونه د امریکايي او ناټو پوځیانو له وتلو وروسته توانېدلي چې په یوازې توګه د ټولو ښارونو او ولایتونو دفاع وکړي.
د افغانستان په اړه د ګاردنر دریځ په دې هم مهم دی چې نوموړی تازه سناتور شوی او د مشرانو جرګې د بهرنیو اړیکو د کمېټې غړیتوب یې ترلاسه کړی دی. دا کمېټه د امریکا د نړیوالو اړیکو د پالیسۍ په جوړولو کې زیات رول لري.
سناتور ګاردنر اته ورځې په اسراییل، اردن، کویت، عراق، افغانستان او بریتانیا کې تېرې کړې.
بسم الله الرحمن الرحيم
دا بيخې سمه خبره ده، ما پخپله څو څو ځلې کوښښ وکړ؛ خو د پيسو د نه شتون له امله پاتې شوم، همدا اوس د پاکستاني بورسونو معامله روانه وه، ۵۰۰۰ ډالر يې رانه وغوښتل، زموږ د ولسوالۍ نه هم ډېر کسان په ۳۰۰۰ او ۵۰۰۰ ډالر د پاکستان بورس ته کامياب شوي دي، د لوړو زده کړو وزارت له سره تر پښو ټول په درغليو کې غرق و پرق دی، د بليک ليست کسانو لپاره د کانکور آډي هم راويستل کېږي، ۳۰۰۰ ډالر نه بيا تر ۱۰۰۰۰ افغانيو پورې آډي راوباسي، زه حيران يم چې د دې غم ولې نه خوړول کېږي او بله ناکامه پروسه يې دا ده چې هغه شاګردان چې د مکتب د نومرو فيصدي يې اعلی وي بې کانکوره لوړو پونځيو ته ورکوي، دې کار دلته يو غوبل جوړ کړی دی، زما دوه ورونه اول نومره ګان ول؛ خو چې له کله نه دا پروسه اعلان شوې، دومره زور لګول شوی، چې دواړه درېيمې نومرې ته ورسېدل…..