تاند- د امریکا د بهرنیو چارو وزارت وايي، له دې وروسته به له هر چا څخه، چې د متحدو ایالتونو د وېزې غوښتنه کوي، د هغه د ټولنیزو رسنیو، ایمیل او د ټېلفون د شمېرې په اړه معلومات غواړي.
د نوي قانون پر اساس، که څوک د امریکا د لنډمهالې وېزې یا مهاجرت (ګرین کارت اخیستلو) لپاره امریکا ته غوښتنلیک سپاري باید د خپلو تېرو ۵ کلونو ایمیلونه، د ټېلفون شمېرې، د فېسبوک او ټویټر په شمول د ټولو ټولنیزو رسنیو اکاونټونه وښيي.
دا قانون، چې د ترهګرو او سختدریځو د پېژندلو لپاره وضع شوی، اصلاً د ۲۰۱۸ م کال په مارچ میاشت کې وړاندیز شوی و.
هماغه وخت په محدوده پیمانه دا تګلاره عملي شوه خو د بشري حقونو د ډلو له توند غبرګون سره مخامخ شوه.
د بشري حقونو ډلو وویل چې دا کار به سبب شي چې خلک د ځان سانسورولو ته مجبوره شي.
له امریکا څخه هر کال لږترلږه ۱۵ ملیونه تنه د لنډمهالو او اوږدمهالو وېزو غوښتنه کوي.
د ټرمپ حکومت د یو شمېر هیوادونو وګړو ته د وېزې ورکړه خورا محدوده کړې ده.
د هیوادونو له دیپلوماتانو څخه دا ډول غوښتنې نه کېږي خو که څوک غواړي چې امریکا ته د کار یا زده کړو لپاره لاړ شي باید یاد معلومات وړاندې کړي.
امریکا اصلاً د مځکی پر مخ یو مزخرف جنت دی
مزخرف مانا
هغه غیر اصیل فلز دی کوم چی د طلا آب ورکړه سوی وی