تاند، چهارشنبه، د حوت ۲۸مه: د امریکايي پوځ د ارقامو له مخې تېره فبرورۍ میاشت کې چې لا د سولې هوکړه لاسلیک شوې نه وه، امریکايي ځواکونو په افغنستان کې پر ترهګرو ۳۶۰ بمونه غورځولي دي.
دا په داسې حال کې ده چې امریکايي ځواکونو په ۲۰۱۸ کال کې د فبرورۍ میاشت کې په افغانستان ۴۶۹ بمونه غورځولي وو او دا له ۲۰۱۱ کال راهیسې دویم ځل دی چې امریکايي ځواکونه په کې په افغانستان کې د یوې میاشتې پر مهال تر ۵۰۰ کم بمونه غورځوي.
د شمېرو له مخې امریکايي ځواکونو د ۲۰۱۸ نه تر ۲۰۱۹ پورې په افغانستنا کې له ۱۴ زرو زیات بمونه غورځولي دي، په داسې حال کې چې پر طالبانو یې د مذاکراتو د پيلولو لپاره د فشار هڅې هم روانې وې.
اوس که څه هم طالبان تر یو حده له امریکايي هوايي بریدونو خوندي دي خو دغې ډلې د افغان ځواکونو پر وړاندې خپله جګړه لا نه ده درولې.
افغان حکومت وايي، که طالبان تاوتریخوالی کم کړي نو په هغه صورت کې به یې بندیان هم ورخوشې کړي.