تاند- د امریکا ولسمشر بارک اوباما د افغانستان او امریکا ترمنځ د امنیتي موافقې د لاسلیکېدا هرکلی وکړ، ویې ویل چې د دې تړو ن د لاسلیک ورځ د امریکا او افغانستان ترمنځ په همکارۍ او مشارکت کې تاریخي ورځ وه.
ولسمشر اوباما د افغانستان د ملي امنیت د سلاکار محمد حنیف اتمر او په کابل کې د امریکا د سفیر ترمنخ د امنیتي موافقې له لاسلېدو وروسته په یوه اعلامیه کې وویل:« موږ د افغانستان او امریکا په مشارکت کې یو تاریخي ورځ لمانځو چې زموږ له ګډو ګټو او د افغانستان له اوږدمهال امنیت سره به مرسته وکړي.»
د افغانستان او امریکا ترمنځ امنیتي موافقه له دووکلونو خبرواترو وروسته د سې شنبې په ورځ /سپټمبر ۳۰مه/ لاسلیک شوه.
اوباما په خپل پیغام کې ویلي چې دا موافقه د افغانستان له لوري له موږ څخه غوښتنه کوي چې هغه اړیکې لا پیاوړې کړو چې بنسټ یې ۱۳ کاله پخوا اېښودل شوی و.