Gerenuk
د ډول علمي نوم یې (Litocranius walleri) ده، په انګریزۍ کې ورته (Waller’s gazelle) نوم هم اخلي، د کورنۍ نوم یې بوویدای (Bovidae) ده او د ګزېلې د توکم انتیلوپیني (tribe Antilopini) غړې ده. له ونو پاڼې خوړونکې (browsing) انتېلوپ ده، د افریقا په هارن ټاپوزمه (Horn of Africa) کې ژوند کوي.
د مخکنیو پښو په ولیو کې یې لوړوالی تر ۸۰–۱۰۵ سانتي متره (۳۱–۴۱ انچه ) پورې او وزن یې ۲۸–۵۲ کیلو ګرامه (۶۲–۱۱۴ پونډه) ته رسیږي. د بدن ځینې برخې یې سپین رنګ لري لکه لکۍ، د سترګو چار چاپېره، شونډې او داسې ځینې نورې وړې برخې خو نور رنګ یې سور نصواري ده. نر یې تر ۳۲–۴۴ سانتي متره (۱۳–۱۷ انچه) اوږده ښکرونه لري.
د نوم (جېرې نک) مانا یې د سومالیا په ژبه کې د زرافې غاړې لرونکې ته وایي. له نورو انتېلوپ څخه لږ ټولنیز چلند لري. د لږ ټولنیز چلند وجه یې ممکن په پراخه سیمه کې کم شمېر لامل وي. ښځې یې له دوه تر اتو پورې په رمه کې ګرځي.
