ایا داعش او نور تندروان له اسلام سره په ټکر کی دی؟‎

نوربادشاه يوسفزی –

خالد الاسلام د سوریې نوموړې آرکيالوجسټ وؤ نوموړې د يوې مياشت څخه د داعش په قيد کې وو چې د سه شنبې په ورځ ډېر په بې دردۍ سره و وژل شو.

د سوريې زوړ ښار پالميرا د يونيسکو “ورلډ هيرټیچ ” یا نړیوال میراث په لیست کې شامل دې دغه ښار د دې کال د مئ له مياشتې نه د داعش په قبضه کې دې, خالد الاسد هم د تيرو څلويښت کالو راهیسې د دې ښار په زړو اثارو باندې کار کولو,  په دې ښار د داعش د قبضې ويره پيدا کيدو ورسته  خالد الاسد د دې ځايه د زړو اثارو  انتقال پيل کړ او هم دغه رقم يې د زرګونو اثارو خوندیتوب هم يقيني کړو.

د داعش په قيد کې د دغې محفوظ کړای شویو اثارو  په اړه معلومات نه ورکولو باندې په خالد الاسد سخت تشدد وکړې شو خو هغه داعش ته دغه خبره ښکاره نه کړه. د اسعارو  دانتقال په وخت خالد الاسد ته حواست شوې وو چې تاسو خپله هم لدې ښار څخه ولاړ شئ خو د دې ښار د کنډرو سره د هغه يو داسې روخاني اړيکه وه چې هغه هم دلته مرګ خوښ کړو خو د تیښتې لار يې قبوله نکړه

د دين اسلام د تاريخ په ابتدا کې په بیت الله کې پراته بوتان مات کړې شو ولې چې اسلام کې د شرک د وجې بتان ماتول د ثواب کار ګڼل کيږي هم دغه رقم دا عمل جاری وساتلې شو د خطته الحجاز زاړه بوتان يې ټکړې کړل, د مدئن او اسکندريې کتب خانې وسيځلې شوې, د هندوستان د مندرونو نه د خراسان د خانقاهو پورې د بربادۍ يو داستان وليکلې شو, د عربو د زړو اثارو د بربادۍ نه د طالبانو لخوا په باميانو کې د بوتانو او مجسمو ماتول پوره په جذبې سره ترسره کړی شو.

سوال دا پيدا کيږي چې د نړۍ د مسلمانانو لخوا داعش يوه کوپري پروژه بلل شوې ده نو د داعش لخوا د بوتانو او نورو قيمتي اثارو ړنګولو تر شا کوم مقصد کيدای شي؟
دا به هم راتلونکې وخت ووايي!