تاند- ایران وايي چې د پاکستان پولې ته څېرمه د خپلو مخالفانو د تېرې شپې د حملې په ځواب کې یې شپاړس مخالفان اعدام کړل.
د ایران د سیستان او بلوچستان د سراوان په سني مېشته سیمه کې تېره شپه وسله والو کسانو، چې ویل کېږي، د ایران د شیعه رژیم مخالف سنیان ول، د ایران ۱۴ سرحدي ځواکونه ووژل او ۵ نور ژوبل کړل.
د دې برید په ځواب کې ایراني رسنیو نن وویل چې د دغه هیواد رژیم ۱۶ بندیان په دار وخېژول.
فارس نیوز خبري اژانس د سیستان او بلوچستان ایالت د څارنوالۍ د رييس محمد مرزیه له قوله وویل:«د نظام له دښمنې یاغې ډلې سره شپاړس تړلي غړي نن سهار نن د سیستان او بلوچستان ولایت د مرکز زاهدان په محبس کې د سراوان د پېښې په غچ کې په دار وخیژول شول.»
ده زیاته کړه:«موږ یاغیانو ته خبرداری ورکړی چې پر ملکیانو یا امنیتي ځواکونو هیڅ راز برید به بې ځوابه پرېنږدو.»
ده ونه ویل چې د نظام له دښمنانو څخه یې منظور څوک دي خو په دې سیمه کې سني بلوچان د خپلواکۍ لپاره مبارزه کوي. د دوی مشر شاوخوا دوه کاله پخوا ایران اعدام کړ.
Alright, every action has reaction.
DA TOL DROGH DI, YAWAZI SUNNYAN QATALKAWI AW DER AFGHANAN YE HAM PA YAW AW BAL NOM IDAAM KRAL.
ALLAH DE IRAN LA KHAWRO LANDE KRI..
ده در کجا و درختان در کجا ؟
کی جرم کرد و کی اعدام شد ؟ پس اسلام و رژیم آخندی کاملا از هم دور اند.