بنګله دیش افغان کرکټ لوبډلې ته په ۱۰۵ منډو ماتې ورکړه

سلام
په ډیره امید، دعاګانو، او پوره باور سره مې خبرونه تعقیبول ترڅو په داسې یو خبر مې سترګې ولګیږي چې افغانستان به بنګله دیښ ته ماتې ورکړي وي خوپه ډیره خواشینی سره مې خبر ولوست چې برعکس بنګله ديش افغانستان ته ماتې ورکړه هغه هم په ډیر زیات توپیر سره. مخکې له دې چې لوبه پیل شي د چارو شنونکو فکر کړ چې افغانستان به د ۳۰۰ منډې وکړي خو دوی ۲۰۰ هم پوره نکړې. سره له دې چې ټوله ورځ مې خفه تیره شوه او افسوس مې کاوه چې ولې مونږ دا لوبه بایلوه خو بیا هم ما له ځان سره فکر وکړ چې مونږ باید خپل امید او هیلې له لاسه ورنکړو. د ژوند په هره برخه کې بریاوې او ماتې شته خو داسې ماتې هم شته چې جبرانیدونکې وي یو مثال يې هم په راتلونکې د افغانستان دویمه لوبه ده چې انشاالله زمونږ ملې ټیم به يې خپل سیال ټیم ته په ماتې ورکولو سره جبران کړي. زه پوهیږم چې د یو افغان په صفت زه له دې ماتې څخه څومره خفه شوم نو زمونږ د کرکت ملي ټیم به يې څومره بده اغیزه کړي وي او دوی به څومره خفه شوي وي خو زه اوس هم د خپل ملي ټیم بریاوې له یاده نه وړم چې دا دوی بریاوې وې چې نن مونږ په نړیوالو سیالیو کې لوبې کوو او دنړي د ډیرو تجربې لرونکو لوبغاړو سره لوبې کوو چې د پیړیو پیړیو تجربه لري خو زمونږ ټیم په ډیرو لږو امکاناتو سره دې کچې ته ورسید. د لوی خدای په برکت، دملت دوعاوو او زمونږ د ملي ټیم د زیار له امله به په راتلونکو لوبو کې خپلو سیالو ته ماتې ورکوو نه یوازي د کرکټ په ډکر کې بلکې به سیاسي، اقتصادي او نورو برخو کې هم. په دې هیله چې یوه ورځ به خپلې بریاوې په هر ډکر کې ولمانځو.