بیات بنسټ د هېواد له ګڼ شمېر پوهنتونونو سره د زرګونو کتابونو مرسته وکړه. د کندهار چاپ ګرداب ورځپاڼې له رپورټ سره سم، بیات بنسټ د محصلانو د علمي سویې د لوړولو په مقصد د کابل پوهنتون، د کابل د ښوونې او روزنې پوهنتون، د بلخ، هرات، ننګرهار، کندهار، خوست، پکتیا، بدخشان، کندز، البیروني ، پروان او حربي پوهنتون له کتابتونونو سره د اووه ویشت زره ټوکو کتابونو مرسته کړې ده. د بیات بنسټ یوه مسوول احسان الله ارینزي رسنیو ته ویلي دي چې په دغو کتابونو کې مختلف علمي، ادبي او هنري آثار شامل دي.