Benzyl chloride
بل نوم یې (α-chlorotoluene) دی، یو عضوي ترکیب دی، کیمیاوي فورمول یې C6H5CH2Cl دی. بې رنګه مایع ده. په صنعت کې د (gas-phase photochemical) په ذریعه د (toluene) او (chlorine) له تعامل څخه تولید کیږي. فورمول یې لاندې وګورئ.
- C6H5CH3 + Cl2 → C6H5CH2Cl + HCl
په پورته یاده شوې طریقه تقریبا هر کال ۱۰۰۰۰۰ ټنه تولیدیږي. تعامل یې د ازاد راډیکالي بهیر له لارې ترسره کیږي او د کلورین ازاد اټومونه پکې منځګړتوب کوي. د تولید له بهیر څخه یې بېنزال کلورایډ او بېنزو ټریکلورایډ هم ترلاسه کیږي. د بینزیل ایسټر لپاره پرېکرسر دی او په پلاستیک جوړونه، د مزې ورکونکي په توګه او په عطرو کې کاریږي.
په هایډرولایزېس تعامل کې له اوبو سره تعامل کوي پایله کې بینزیل الکول او هایډروکلوریک اسید جوړوي. که چېرې د انسان له مخاطي غشاء ګانو سره اړیکه کې شي هایډرولایز کېدنه یې هایډروکلوریک اسید جوړوي او له همدې امله د اوښکو بهونکې وسلې په توګه هم کار ترې اخیستل کیږي، د پوستکي هم سخت نا ارامه کوونکې ماده ده. په متحده ایالتونو کې د سختو زهري کیمیاوي توکو په نوملړ کې شامله ده.
