ترڅوویښ نه شوهمدابه موحال وی/ تابع

سلامونه او احترامات !
لیکنه می دی ډيره دقیقه او تر پایه ولوسته ډیر څه پکی شته چی د منلو دی او درسره منم یی یو څه چی د پام وړ دی هغه دا چی اکثریت افغانان فکر کوی او وایی وردګ ولس هغه ولس دی چی له علم،پوهی،پرمختګ…سره یی لیونی مینه ده او په دی کی شک هم نشته خو که را شو د ‌ذهنیت د اوسنی وردګ ولس سره پرتله کړو او په یو تله کی یی وا چوو نو بلکل به د دی ذهنیت او عام فکر معکوس څه پکی و مومو ( اوسنی وردګ اولس هغه پخوانی ندی ). دا خبره زه په ثبوت درته کوم ؛ وردګو ته به ځی او راځي چی ورشی د مکتب د وری ملګری به دی وی سم به یی پيژنی چی دا خو می هغه د وړکتوب ملګری وو چی ورته ګوری ببرسربه یی نیولی وی د نظافت،نزاکت،اخلاقو او علم په معنی به څه نه پيژنی کثیفه او چټله خلک وژونکی وسپنه بی یی په غاړه کی اچولی وی داسی به درنه تیر شی ته به وایی ورسره د اجدادو دښمنی لری درحالیکه چی د یوه صنف ملګری به دی وا.استثنآ که کوم یوه ته و وایی وه هلکه ولی داسی کوی؟ هغه د غریبی کورنی په حال دی ورحمیږه مکوه داسی؛علم او پوهه ده چی تا سلطانی تخت ته رسوی په لټه کی یی شه.
درته وایی به ځه بابا دا دنیا دوه ورځی ده هسی لګیا ییی زدکړی کوی دا تاسو چی زدکړی کړی څه مو کړی؟ زه جهاد کوم جهاد همدی وخت کی به بل ملګری ته ور غږ کړی ته راکه داسی ښه مزاری د چرسو ډک سګریټی که سګریټ نه لری دا سی ښه شنه د چک نصوار
په ډیر فخر به درته وایی هغه بله ورځ می د ملی اردو ۳ عسکر په ډیره بی رحمی ووژل.ولی ولی ؟ ټول کافران دی په دوی د لعنت وی

زه به درته خپله دسترګو لیدلی حال و وایم په پوهنتون کی په صنف کی ناست وو استاد پوښتنی کولی ټول صنف یی ارزیابی کړ په صنف کی وردګ یوڅه ډیر وو د نورو په پرتله خو تر ټولو ټمبل همدا وردګ وو.استاد مو سخت خوا بدی شو ویل یی ولی هی وردګو ؟تاسی خو زمونږ علمی نمونه وی اوس مو لکچی هغه علمی شمله را نسکوره شوه.
ما پر تاسو څومره حساب کاوه خو تاسی زه ناهیلی کړم وردګـــــــــــــــــــــــو
صحیح ده چی مشرانو مو هیڅ ندی راته کړی او نه یی کوی یا یی کولی نه شی خو ورسره جوخته زه خپله وردګ ولس ملامت بولم دوی خپله هم بدلون نه غواړی،علم ته یی شاکړه،د پردیو جګړی سخته مشغول ساتلی او هغه پردی بیا تل وایی تر دی ساده خلک خو مونږ والله که بیخی لیدلی وی « دا خو بیخی ساده دی »
که چیری دوی خپله اصلاحات وغواړی نه یی مشر په مخ کی دریدلی شه نه قومندان او نه عسکر
خو دوی دی چی نه یی غواړی او نه د اصلاحاتو سره شوق لری
وردګو او په ټوله کی پښتنو ویښ شی دنیا د ځکی نه د کډه کیدو په درشل کی ده خو مونږ لا په دی نړی کی ژوند نده پیل کړی !!!