تاند- د الماس د ارزښت یو علت دا دی چې ډېر کلک دی. اوس ساینسپوهانو د ګرافین د دوو شیټونو په وسیله داسې زغره جوړه کړې چې د مرمۍ په وړاندې تر الماس هم کلکه وي.
اوسنۍ مرمۍ ضد واسکټونه ډېر درانه او پنډ دي، خو د نیویارک پوهنتون څېړونکي توانېدلي د ګرافین ډېره نازکه ورقه یا شیټ جوړ کړي چې د مرمۍ په وړاندې تر الماس هم کلک وي.
د نیویارک پوهنتون د پروفیسرې الیس رایدو په مشرۍ څېړونکې ډلې د ګرافین نرۍ صفحې پر یو بل کښېښودې او ورته څرګنده شوه چې تر الماس هم کلکېږي.
دا صفحه ډېره سپکه او انعطاف منوونکې ده.