تاند- جنوبي افریقا ویست اینډیز ته په ۲۵۷ منډو ماتې ورکړه. په نړیوال جام کې تراوسه پوري هیڅ ټیم په دومره توپیر لوبه نه ده بایللې.
ویست اینډیز هغه ټیم دی چې پاکستان ته یې په ۱۶۰ منډو ماتې ورکړې وه. یاده دې وي چې جنوبي افریقا ۴۰۸ منډې په داسي حال کې جوړې کړې وې چې یوازې ۵ لوبغاړي یې سوځېدلي ول او د ویست اینډیز ټیم یې په ۳۳ اور کې وسوځاوه.
ویل شوي چې دا د نړیوال جام په تاریخ کې لومړی ځل دی چې یو ټیم بل ته د دومره زیاتو منډو په توپیر ماتې ورکوي.