تاند – د کوېټ له عربي دولت څخه پاکستان ته د ورغلي یوه پلاوي د مشر بکسه او د پیسو بټوه هغه وخت ورک شول چې نوموړی د پاکستان د اقتصاد وزارت له چارواکو سره په خبرو بوخت وو.
له ملاقات څخه وروسته د کوېټ د هیئت مشر وویل، چې بکسه او بټوه یې غلا شوي چې د مجلس برخه والو د هغه په خبره سخت ټکان وخوړ.
د پاکستان د جیو نیوز تلوېزیون په وېب سایټ خپور شوی یو راپور وایي، چې د کوېټ د هیئت د مشر بکسه او بټوه د پاکستان یوه جیګپوړي مامورغلا کړي ول.
د جیو نیوز وېب سایټ لیکي، کله چې پلټنه وشوه او د سي سي ټي وي کمرې ریکارډ وکتل شو، معلومه شوه چې غلا د ضرار حیدر په نامه د ۲۰مې رتبې یوه جیګپوړي مامور کړې ده.
پاکستان ټوډی ورځپاڼې په خپل وېب سایټ لیکلي، چې ښاغلی حیدر د پاکستان د پانګونې او د پانګونې د چمتو کولو د چارو سکرټر دی.
پاکستان ټوډی لیکلي، چې د اقتصادي چارو د څانګې افسر، غضنفر ګېلاني، له پولیسو څخه غوښتي چې په ښاغلي حیدر اېف آی آر کټ کړي، خو چارواکي په دې په غوسه دي چې په دې کار سره د پاکستان پزه پرې شوه.
د پیسو نړیوال صندوق (آی اېم اېف) وایي، چې په پاکستان د بهرنیو پورونو اندازه ۹۶ میلیارده ډالرو ته رسېدلې او ویل کیږي چې ښایي د ۲۰۱۹ کال تر نیمایي پورې دغه اندازه ۱۰۳ میلیارده ډالرو ته لوړه شي، او ادعا کیږي چې د دغه هېواد شتمني اکثر د پوځي او نورو لویو چارواکو له خوا غلا کیږي، خو دا لومړی ځل دی چې پاکستاني چارواکي نېغ په نېغه د یوه رسمي هیئت له غړي او په تېره مشر څخه غلا کوي.
شکر دي کاږي چه خپله هيت ندي دي غل سوي
د الله پاک نه نوره شرمندګی و رسوایی هم درته غواړو تاسی هغه څوک یی چی به بی وزله افغانانو مو اور بل کړی الله مو په دنیا او خرت شرمیدلی او رسوا لره