تاند- افغان امنیتي چارواکي او دیپلوماتان وايي، په پلازمېنه کابل کې د خوراکي موادو د یوې نړیوالې کمپنۍ ۳ بهرني کارکوونکي له یرغمل کېدو وروسته ووژل.
د رویټرز خبري اژانس د راپور له مخې، په کابل کې یوه دیپلومات وویل، دغو ۳ تنو د خوراکي موادو د نړۍ دوهم ستر شرکت سودیکس ته کار کاوه.
د کابل د پولیسو ویندوی حشمت ستانکزي وویل«یو هندی، یو مالیزیايي او یو مقدونیايي وتښتول شول او بیا ووژل شول. موږ د دوی مړي موندلي دي.»
یوه افغان امنیتي چارواکي وویل چې دوی د وژل شویو کسانو کارتونه د هغوی د جسدونو ترڅنګ موندلي او هڅه کوي چې له سودیکس کمپنۍ سره تماس ونیسي.
په افغانستان کې د سودیکس کمپنۍ غړیو تراوسه پورې د دې پېښې په اړه څه نه دي ویلي.
دا کسان نن سهار د کابل له صنعتي سیمې (ډیسپچیلي) څخه تښتول شوي وو او مړي یې په موسهي ولسوالي کې موندل شوي دي.
مسول یی هغه کسان دی چی له کمپی سره معامله لری!ا