تاند، شنبه، د سنبلې ۱۶مه: د کار او ټولنیزو چارو وزارت راروانه دوشنبه او سې شنبه د سنبلې ۱۸مه او ۱۹مه په ټول هېواد کې عمومي رخصتي اعلان کړه.
تاند ته د کار او ټولنیزو چارو وزارت را استولې خبرپاڼه کې ویلي، د سنبلې اتلسمه د احمدشا مسعود د مړینې د تلین او ۱۹مه د عاشورا د ورځې په خاطر ټول هېواد کې رخصتي اعلانوي.
بلخوا کابل ګارنېزیون له ښاریانو غوښتي چې د دوشنبې او سه شنبې په ورځ دې د امنیت د ټینګښت په خاطر وسلې له ځانه سره نه ګرځوي.
د احمدشاه مسعود د مړینې په ورځ کابل کې د هغه پلویان اکثره مهال داسې کارونه ترسره کوي چې خلکو ته سرخوږی جوړوي، ځکه دوی ډزې کوي او له کبله یې لسګونه کسانو ته مرګ ژوبله اوړي.