دولت ځدران او کرکټ! – صداقت غورځنګ

دولت ځدران وايي چې د افغانستان سر لوړي او د افغانستان خلکو ته خوشحالي وربخښل یې یوازینی هدف دی.

د افغانستان د کرکټ د ملي لوبډلې ځوان او پیاوړی لوبغاړی دولت ځدران د ۱۹۸۸  کال د مارچ میاشتې په ۱۹ نیته، د افغانستان په لوګر ولایت شواګ اولسوالې کې زیږیدلی دی. نوموړی اوس مهال  ۲۴ کلن دی او په ډیر کم وخت کې یې توانیدلی دی چې د افغانستان په ملي لوبډله کې د ځان لپاره خاص ځای پیدا کړي. نوموړی ښي لاسی بیټسمین (توپ وهونکی) او تیز توپ اچوونکی دی.

دی وايي: «له کوچینوالي مې له کرکټ سره مینه درلوده. وخت ناوخته به مې په ټینیس توپ باندې له ملګرو سره لوبه کوله خو د کورنۍ لخوا لوبې ته نه پریښودل کیدم. هغوئ داسې انګیرله چې کواکي دا کوم خراب کار دی.»

دغه تکړه، تیز توب اچونکی له قده لوړ او رنګه غنمرنګه د نېکو احلاقو خاوند لوبغاړی، چې هر وخت یې په شونډو موسکا خپره وي، وايي چې ده له ماشومتوبه له کرکټ سره مینه وه، د کرکټ په سر به هر وخت پلار ورته په غصه کیدو او له کرکټ لوبو څخه به یې منع کولو .

ځدران زیاتوي چې پلار یې له ده نه خبر نه وو چې یوه ورځ به یې زوی په ټول افغانستان کې نوم روښانه کوي.

تر دې مهاله دولت ځدران په لاندینو نړیوالو لوبو کې ګډون کړیدی

د توپ وهنې برخه کې

او توپ اچونې برخه کې

        نوموړی ځوان او د کمي تجربې لرونکی لوبغاړی دئ، خو الله تعالی نوموړي ته ښه استعداد ورکړی دئ او همدا د نوموړي د بریالیتوب یوازینی راز دی.

د ۲۰۱۲ کال نړیوالو شل اوریزه سیالیو ته د لارموندلو لوبو پر مهال د نمیبیا او ایرلیند پر وړاندې تر لوبې وروسته نوموړي په سیمه ییزه او نړیواله کچه شهرت وموند او له ده سره د خلکو مینه نوره هم زیاته شوه.

د افغانستان د نورو لوبغاړو په څیر اوس له دولت ځدران سره هم یو زیات شمیر افغانان مینه لري او دهیواد هر وګړۍ ئې پیژني.