تاند- د ارګ یا د افغانستان د جمهوري ریاست د تشریفاتو د نوي ريیس سلیقه په پراخه پیمانه ستایل شوې ده.
محمد هارون چخانسوري وروسته له دې د ولسمشرۍ د تشریفاتو ريیس وټاکل شو چې مخکیني ريیس د کندهار د ولایتي شورا ريیس د ولسمشر په وړاندې د بې ادبۍ په خاطر په سوک وواهه.
چخانسوري تر دې وړاندې په نړیوال بانک کې کار کړی او څه باندې ۱۲ کاله یې په حکومتي او ناحکومتي موسسو کې د پالیسۍ او منجمنټ په برخو کې کار کړی دی.
ده د استرالیا د سیدني پوهنتون د منجمنټ (ادارې) او پالیسۍ په څانګه کې ماستري کړې ده.
په دې ترتیب شوي مېز کې په لږ مصرف لوړه سلیقه له ورایه ښکاري.