تاند- په هند کې د افغانستان سفارت نن /شنبه/ په ډیلي کې پر یوې دوه نیم کلنې افغان ماشومې د جنسي تېري جنایت وغانده، ویې ویل د دې پېښې په اړه د ډیلي له پولیسو سره په تماس کې دی.
پرون د ډیلي د پولیسو یوه جګپوړي چارواکي وویل، دا پېښه د پنجشنبې په ماښام شوې ده.
ده وویل: پر دې دوه نیم کلنې افغان ماشومې د ماښام په شپږ بجې په خپل کور کې جنسي زیاتی شوی دی. ماشومه روغتون ته وړل شوې او ویل کېږي چې له مرګه ژغورل شوې ده.
د دغه پولیس چارواکي په وینا د مجرم د نیولو لپاره هڅې پیل شوي دي.
د افغانستان سفارت په یوه خبرپاڼه کې ویلي:«له دې پېښې له خبرېدو وروسته مو سمدستي د هند له حکومت او اړوندو امنیتي ادارو سره تماس ونیوه، او د دې قضیې او په هند کې د ټولو مېشتو افغانانو د ژوند په باب مو خپله ژوره اندېښنه ورته څرګنده کړه.»
سفارت همداراز ویلي:«موږ له هندي چارواکو غوښتي دي چې د دې جنایت په اړه سمې څېړنې او پلټنې وکړي او مجرم په دې برخه کې د هند له سختو قوانینو سره سم په سزا ورسوي.»
دا جنایت د ډیلي په جنوب کې د امبیدکر نګر په سیمه کې شوی دی.
دا کوم قسم افغانان وو. په کور کې دومره څوک نه وو. او دا تیری پری د چا له خوانه شوی دی، او بیا په دوه نیم کلنې جینۍ خو خبری صحیح نه شی کولای چه دا کوم ډول خلک دی