تاند- د افغانستان د انتخاباتو خپلواک کمیسیون د ولسمشرۍ د دوهم پړاو انتخاباتو د رایو فیصدي اعلان کړه چې پر اساس یې اشرف غني احمدزي ۵۵ اعشاریه ۲۷ فیصده رایې ګټلي او د افغانستان د اسلامي جمهوریت ولسمشر غوره شو.
د انتخاباتو د خپلواک کمیسیون له خبرپاڼې سره سم ډاکتر غني د جوزا د څلرویشتمې نېټې د انتخاباتو له ۷۱۲۰۵۸۵ معتبرو رایو څخه ۳۹۳۵۵۶۷ رایې ګټلي دي.
د انتخاباتو د خپلواک کمیسیون ريیس یوسف نورستاني د روانۍ اوونۍ د یکشنبې په ورځ اشرف غني احمدزی د جوزا د ۲۴ نېټې د دوهم پړاو انتخاباتو د ټولو رایو د تفتیش له بشپړېدو وروسته د انتخاباتو ګټونکی اعلان کړ خو د رایو فیصدي یې اعلان نه کړه.
ښاغلي نورستاني ویلي و چې د رایو فیصدي به وروسته اعلان کړي.
ویل کېږي چې د ملي یووالي د حکومت په شرطونو کې د عبدالله عبدالله یو شرط دا و چې د بریالي کاندید د اعلانولو ترڅنګ دې د رایو فیصدي نه اعلانېږي.
په بی کفایته اوډارنو هسی مړیو باندی تبصری کول هم دوخت ضایع بولم داچا راوستلی او چا صلاحیت ورکړی هغه او دوی واړه یو څای باید شدیدترین مجازات او محکمه شی.