تاند- د افغانستان د ملي امنیت ریاست وايي چې په یوه هوايي حمله کې د داعش یا اسلامي دولت د وسله والې ډلې مشر له لسګونو نورو سختدریځو سره وژل شوی دی.
د ملي امنیت ریاست نن په یوه خبرپاڼه کې ویلي چې تېره شپه په یوه هوايي حمله کې د افغانستان او پاکستان لپاره د داعش د ډلې مشر حافظ سعید ووژل شو.
د ملي امنیت ریاست په خپله خبرپاڼه کې حافظ سعید د داعش د خراسان ولایت مشر بللی چې د دې ادارې له لوري د داعش د تشکیلاتو د رسمیت پېژندلو معنا لري.
له تېرو دوو ورځو راهیسي د ننګرهار په اچین ولسوالۍ کې د داعش او طالبانو ترمنځ سختې جګړې روانې دي چې له کبله یې په سلګونو کورنۍ مجبوره شوي، کور – اور پرېږدي.
راپورونه وايي چې د دواړو جګړه مارو ډلو له لوري پر یو بل د درنو وسلو ویشتل شوي ګولۍ د خلکو پر کورونو لګېدلي چې په نتیجه کې یې یو شمېر کلیوال ټپیان شوي او ګڼ کورونه ویجاړ شوي دي.
دا هم ویل شوي چې د داعش غړیو د سیمې یو شمېر قومي مشران وژلي او کورونه یې ورسوځولي دي.
د افغانستان ملي امنیت وايي چې د داعش د تروریستي ډلو د غړیو د اوسېدو د ځای په اړه یې خپل معلومات له ايتلافي ځواکونو سره شریک کړل چې پر اساس یې دغو قواوو د اچین ولسوالۍ د پېشه درې په تختو سیمه کې د داعش د غړیو پر دېره ځای برید وکړ او په نتیجه کې یې د حافظ سعید په شمول لږترلږه ۳۰ تنه ووژل شول.
دا حافظ سعید پاکستانی دی چه پنجاپی دی . وژل شوی مرده ګاو سعید اورکزی دی چی د ایجنسی وو.
یا الله زما وطن وساتی دتورسپیانو او سرو خنزیرانو څخه…..,, ډیره تبصره ځکه نکوم چه اوس هرڅه معلوم دی چه څوک څوک دی او څه شی غواړی.