تاند نیوز ډیسک: د سږني میلادي کال په می میاشت کې اسیايي هیوادونو ته د ایران د تېلو واردات تر ټولو ټیټې کچې ته رسېدلي دي.
دا په تېرو پنځو کالو کې بې مخیني تجارت دی چې له اسیا سره د ایران د ایران د تېلو په سوداګرۍ کې ټیټې خواته راغلی دی.
رویټرز اژانس وایي، له څلورو لویو پيرونکو هیوادونو سره د ایران د تېلو سوداګري ۳۸۶ زره بوشکو ته د ورځې په حساب راټیټ شوی دی چې دا ۷۸ اعشاریه ۵ سلنه کموالی ښيي
رویټرز دغه راز راپور ورکړی چې د جون په وروستیو دریو اوونیو کې د ایران د تېلو صادرات یوازې ۳۰۰ زره بوشکو ته د ورځې په حساب راکم شوي دي
دا په داسې حال کې ده چې ایران د ۲۰۱۸ کال په اپریل کې چې امریکا یې له اټومي تړونه ووته له دوه اعشاریه ۵ ملیونه بوشکو زیات تېل صادر کړي وو.
دا په داسې حال کې ده چې ایران لپاره د امریکا ځانګړي استازي تازه خپلو څرګندونو کې ویلي چې هیواد به یې په هر هغه چا له استثنا پرته بندیزونه ولګوي چې له ایرانه تېل اخلي.
