تاند- په ایران کې له مخدرو موادو سره د مبارزې د ادارې د عمومي رييس د ښځو د چارو سلاکارې نن /شنبه/ وویل چې د دغه هیواد د ښارونو په سلو کې ۱۰ ښځې په مخدرو موادو روږدي دي.
زهرا بنیانیان نن مهر خبري اژانس ته همداراز وویل چې د اکثرو معتادانو عمرونه د ۲۰ او ۳۶ کلونو ترمنځ دی او ډېری تریاک، شیشه/ هیروین، او افغاني کراک (؟) استعمالوي.
دې همداراز وویل چې په هیواد کې یې ۷ زره ۲۷۷ ښځې بندیانې دي چې په سلو کې ۶۰ یې د مخدرو موادو د استعمال په جرم زنداني شوي دي.
په ایران کې تریاک خورا زیات استعمالېږي. په درو لسیزو کې ډېر شمېر افغانان هم په ایران کې په تریاکو روږدي شوي دي.