یوازي شوي د ایمل پسرلي د لنډو کیسو پنځمه مجموعه ده چې د جولای په لومړۍ نېټه په کابل کې د سپوږمۍ رادیو له لورې خپره شوه.
—-
« یوازې شوي» د ایمل پسرلي د ۲۵ لنډو کیسو او یوې کیسه ډولې سریزې مجموعه ده چې په کابل کې د سه شنبې ( د جولای لومړۍ) چاپ شوه.
دا کتاب د سپوږمۍ رادیو له لورې په زرو ټوکونو کې چاپ شوی دی.
تر دې وړاندې د څلورمه لار، یو مزل دوه نړۍ، د څارنوال هینري قضیې او نورې کیسې او د شګې ، لمر او سمندر په نامه د ایمل پسرلي د لنډو کیسو څلور ټولګې خپرې شوې وې.
د دغه لیکوال دوه نالونه، بې ځالې مرغه او لټون هم پخوا چاپ شوي دی.
دوی د ډرامو یوه ټولګه، ډالري معاش هم لري او د ان لاین ژورنالیزم په باب یې هم یو اثر خپور شوی دی.
د سپوږمۍ رادیو له رادیويي ایف ایم خپرونو سره جوخت له څه وخته راهیسته د کتاب چاپولو ته هم مخه کړې ده.
یوازې شوي د سپوږمۍ رادیو له لورې د چاپ شویو کتابونو یولسم دي.