د برياليو خلکو يوه ځانګړنه/ ژباړه: حمیدالله حمیدي

د برياليو خلکو یوه ځانګړنه دا ده، چې لوړ فکرونه کوي. لوړ فکرونه د دې لامل کېږي چې موخو ته د رسېدو لاره اسانه شي. که غواړی ځان ته يوه داسې جادويي امسا جوړه کړی چې ستاسو يوه غوښتنه پوره کړي، نو څه ډول امسا به مو جوړه کړې وه؟ کله مو له ځانه پوښتلي چې خپل ناسم وضعيت څرنګه په سم هغه بدلولی شی؟ که په يوه ستونزه کې ګير ياست، د هواري لپاره يې لومړی ګام چې بايد پورته کړی کوم دی؟
همدا نن لومړی ګام په نښه او عملي کړئ. کله چې لومړی ګام په ډاډه زړه اخلی، نو راتلونکي ګامونه به مو هم استوار وي. دا سمه ده، چې هېڅوک د خپل راتلونکي دقيق اټکل نه شي کولی، خو يو ګام وړاندې ځای هرومرو ليدلی شي. که تاسو خپله شا و خوا په سم ډول ووینی، هغه ده چې خپله راتلونکې هم جوړولای او ترسیمولی شی. ايډيالونه او ايډيال لرل ډېر کله د دې لامل کېږي، چې د راتلونکې پر لور په پوره دقت سره قدم کېږدی او دا تر ډېره د هغه کسانو ځانګړنه ده، چې مثبت فکر کوي.