تاند- وسله وال انتحارایانو نن د بلخ ولایت په مرکز مزارشریف ښار کې د استیناف پر څارنوالي برید وکړ.
لومړني راپورونه وايي چې درې انتحاریان د استیناف څارنوالي ودانۍ ته ننوتي او له امنیتي ځواکونو سره په نښته بوخت دي.
په مزارشریف کې د روغتون ډاکتران وايي چې لس ټپیان وروړل شوي دي.
ویل شوي چې انتحاریان په اسانه د څارنوالۍ ودانۍ ته ننوتي ځکه چې په شمالي ولایتونو کې د امنیتي وضعیت د ښه والي له کبله د دولتي ودانیو د ساتنې لپاره سخت تدابیر نه نیول کېږي.
تر دې مخکې په بلخ ولایت کې پر کومې څارنوالۍ برید نه و شوی.