دتحقیقي ژورنالیزم بنسټونه د هغه کتاب نوم دی چې د خبریال محمدصادق رښتیني په زیار په پښتو ژبه ژباړل شوي او په دې وروستیو کې خپور شوي دي .
یاد کتاب د ډیویډ انګرام او هینشال اسټیټ په هڅو چمتو شوي چې اوس د ۱۰۰۰ټوکو په تېراژ د رنګه پښتۍ په درلودلو سره په ۷۷ مخونو کې په پښتو ژبه د ژونالیزم مینوالو ته د ګټې اخستنې لپاره وړاندي شوی .
ددغه کتاب سریزه په کابل کې د ازادو رسنیو دملاتړ یا ( نی ) د تکړه روزنکي استاد وحیدالله درویش لیکلې چي پکې د تحقیقي ژورنالیزم ارزښت او اړتیا بیان شوي .
که څه هم په پښتو ژبه ګڼ کتابونه د ژورنالیزم د ښوولو په برخه کې چاپ شوي خو د تحقیق کولو د اصولو ، حقیقت موندلو او د تحقیقي رپورټ لیکلو په برخه کې کتابونه ډیر کم دي .
د کتاب ژباړن محمدصادق رښتینی د (( خپلي خبري ) په برخه کې همدغه اړتیا ته په پام کتاب ژباړلي دی .
هغه په خپلو خبرو کې ویلي چې په افغانستان کې خبریالان د خبر رسونې تفریح او معلوماتو په برخه کې د سیالۍ ډګر ته وتلې ، خو د تحقیقي ژونالیزم یا حقیقت موندنې په برخه کې يې اړتیا له پامه غورځولې .
خبریال محمدصادق رښتینی له تېرو اتو کلونو راهیسي د مطبوعاتو په برخه کي کار کوي چي لومړني دندي يي د ښوونځي مجلې او خوځښت جریدې د چارو سمبالول وو هغه کلونه وړاندي له کندهار څخه د خپرېدونکې اوونیزې ( سورغر) او کلید راډیو سره د خبریال په توګه دندې ترسره کړي .
صدیق الله افغان