تاند- انترنیټ نه یوازې د معلوماتو او علومو لوی مرکز دی بلکې اوس د سوداګري راکړو ورکړو په یوې لویې سرچینې بدل شوی دی.
په ډېرو هیوادونو کې اوس خلک د کور له خوراکي موادو رانیولې تر الیکترونیکي وسایلو، د الوتکې، بس او اورګاډي تر ټکټه پوري د انترنیټ له لارې پيري.
په سوداګري چارو کې د انترنیټ د اغېز زیاتېدو ته په پام د جرمني ایس اي پي (SEP) کمپنۍ، چې د اروپا تر ټولو ستره صنعتي کمپنۍ ده، د انترنیټ په برخه کې ۲ ملیارد ډالره پانګونه کوي.
ایس اي پي شرکت، چې د جامو منځلو له ماشینونو رانیولې تر موټر پوري راز راز شیان جوړوي، غواړي چې په مجازي دنیا کې هم رول ولري.
د جرمني دا کمپنۍ په (Internet of Things) یا د شیانو د خرڅلاو په انترنیټي بازار کې، چې ۲۵۰ ملیارد ډالره پانګه پکې جذب شوې، تر ۲۰۲۰ پوري ۲ ملیارد ډالره لګوي.
ای اي پي شرکت په وروستیو کې له بوش کمپنۍ سره، چې د موټرو پُرزې او د کور وسایل جوړوي، یو قرارداد لاسلیک کړ چې له پلاس، رینچ او د موټر بېلابېل وسایل د انترنیټ له لارې وپلوري.
دا کمپنۍ غواړي چې په راتلونکي وخت کې دې ته ورته نور قراردادونه هم لسالیک کړي.