تاند- د سږ کال د حج د مراسمو په ترڅ کې لومړنی ماشوم یوې افغان ښځې دنیا ته راووړ.
د سعودي عربستان رسنیو د سې شنبې په ورځ د خپل هیواد د روغتیا وزارت په قول راپور ورکړ چې یوې ۳۳ کلنې افغان ښځې، چې د حج د زیارت د ادا کولو لپاره دې هیواد ته تللې وه، د سې شنبې په ورځ د مکې د مور او ماشوم په زېږنتون کې ماشوم وزېږاوه چې دا د روان ۱۴۴۰ هجري قمري کال د حج په مراسمو کې لومړنی ماشوم دی چې دنیا ته سترګې غړوي.
سعودي رسنۍ وايي چې افغان مور د سعودي عربستان د روغتیا وزارت او د مور او ماشوم د زېږنتون مننه وکړه چې هغې ته یې ښه روغتیايي خدمات برابر کړل.
هغې پر خپل نوزېږي ماشوم (محمد) نوم کېښود.