تاند- یوې پنځه شپېته کلنې تایلنډي ښځې د سلګونو سیمسارو منځ ته ځان واچاوه او په دې توګه یې قصداً ځان وواژه.
بنکاک پوسټ ورځپاڼې نن په دې اړه په راپور کې وویل چې دې ښځې د ژوبڼ د سیمسارو د اوبو ډنډ ټوپ کړل او د وږو سیمسارو خوراک شوه.
په ډنډ کې، چې د بنکاک له مرکزه یو ساعت لېري دی، په زرګونو سیمسارې ساتل کېږي او عموماً سیلانیان خواړه ورکوي.
په عکس کې تر حملې مخکې سیمسارې لیدل کېږي چې د ښځې لور ته روانې دي.
پولیس وايي چې د ژوبڼ ساتونکو هڅه وکړه چې ښځه وژغوري خو سیمسارو ټوټې- ټوټې کړه.
د دې ښځې خور سونان تارمنا وویل چې خور یې په ذهني پریشانۍ او ستریس مبتلا وه او ځان یې قصداً مرګ ته ورکړی دی.