تاند- د نړۍ تر ټولو په ونه لوړ سړي، چې سلطان کوسن نومېږي، او د ترکیې تبعه دی، نن /سې شنبه/ واده وکړ.
سلطان کوسن دوه نیم متره (۲ متره او ۵۱ سانتي متره) ونه لري.
ده له یوې سوریه والې سره، چې مروه دیبو نومېږي، واده وکړ. د دوی د واده مراسم د سوریې پولې ته نژدې د ترکیې په ماردین ولایت کې جوړ شول.
په سوریه کې د بشاراسد د رژیم پرضد له ولسي پاڅون او بلوا وروسته په لکونو سوریه وال ګاونډیو هیوادونو په تېره بیا ترکیې ته کډوال شول.
د سلطان کوسن نوم د نړۍ د ریکارډونو په کتاب (ګینس) کې تر ټولو د جګ انسان په توګه ثبت شوی دی.
salam alaikom da mo wa na weyal che de shaze qad ya wana yi so mitra da