تاند- د نړۍ د ګڼو رسنیو خاوند راپرت مرداک، په ۸۴ کلنۍ کې له یوې پخوانۍ ماډلې سره کوژده وکړه.
راپرت مرداک، چې ویل کېږي د افغانستان په شمول په نړۍ کې ګڼ شمېر تلویزیونونه او ورځپاڼې لري، له خپلې درېمې مېرمنې څخه تر جلا کېدو نژدې ۳ کاله وروسته له جري هال سره کوژده وکړه.
اغلې هال۵۹ کلنه ده او د رولینګ سټونز د ډلې له سندرغاړي میک جاګر سره اوسېده.
دوی د لنډن ټایمز ورځپاڼې په هغه برخه کې، چې د زوکړو، ودونو او مړینو اعلانونو ته ځانګړې ده، د یو بل په نوم کېدل اعلان کړل.
په اعلان کې ویل شوي:«ښاغلی راپرت مرداک، د پرادنس، الیزابت، لکلان، جېمز، ګریس او کلویې پلار او اغلې جیري هال د الیزابت، جېمز، جورجیا او کبریل جاګر مور په خورا خوښۍ په خپل منځ کې کوژده اعلانوي.»
راپرت مرداک تر دې مخکې له درو ښځو جلا شوی دی.
د مرداک ویندوی وايي چې د مرداک او د اغلې هال ملګرتوب د تېر کال په دوبي کې پیل شو، دوی دواړه خوشاله دي چې په خپل منځ کې واده کوي او ګډ ژوند پیلوي.
د دوی د کوژدې مراسم د روانې اوونۍ په پیل کې د امریکا په لاس انجلس کې جوړ شوي وو.
مرداک په خټه یهود دی، په استرالیا کې زېږېدلی خو اوس د امریکا تبعه دی.
نو ما او لایق صیب ته ما یوسي نه ده پًه کار
Shpoon Ustaza salam!
Paam kawiy Kaaniey( d`Aka shaza) yi va na wriey!
Pa bakhshana aw manina.Ttoqa.
د رنگه داسی معلومزی چی شاید چلکي یی کار ونه کی
په افغانستان کی خو داسی نشته