د اوه دېرش کلنې غميزې یو پيلوونکی او د صحرایې محکمې سالار جنرال امام الدین د جمعه دین زوی په کابل کې دی. نوموړی څه موده وړاندې په مزار شریف کې لېدل شوی و چې د ویښو ځوانانو له خوا یې هویت تشخیص شوی او دا دی په اړه یې رسنیو ته معلومات ورکول کیږي.
جنرال امام الدین د 1357 کال د ثور په شپږمه د هېواد لومړنی ولسمشر سردار محمد داود خان په خپل ټوپک بې محاکمې مخامخ په ډزو شهید کړ چې وروسته یې تر قوماندې لاندې عسکرو د داود خان ټوله کورنۍ، چې په ارګ کې موجوده وه، په قتل ورسوله.
جنرال امام الدین دوه کاله وړاندې هم کابل ته راغلی و چې د عدلي او قضایې چارواکو تر خبریدو وروسته د جنرال هاشم په مرسته په تېښته بریالۍ شو.
کابل ته د جنرال امام الدین راتګ د ده د کورنۍ غړو تائید کړی دی. جنرال امام الدین د لوګر ولایت اوسېدونکی دی چې نیونه او محکمې ته کشول یې جمهور ریس غني ته لویه ننګونه ده. اوس به وګورو چې د ملي وحدت حکومت مشران ملت ته په خپلو ویناوو او کړنو کې څومره صادق دي. په ملي روحیه سمبال ځوانان به جنرال امام الدین، دغه د ملت د خوښیو قاتل او د ثور د غميزې پيلونکی او بنسټ ایښودونکی د محکمې تر میزه په کراره پرې نږدي. هڅانده ځوانان به په کابل کې د نوموړي حرکات څاري او د رسنیو په واک کې به یې ورکوي. دا خبر تر نیونې ادامه لري.
شفیق خیبر
Sar dark dawood pa khapala kam aqal wo Che da pakistan aw da arabi shekhano pa khabaro bandi ye bawar kwalo