د پکتیکا ولایت د شرنې – انګورادې سړک چې ۷ متره عرض او ۵۰ کیلومتره طول لري د پکتیکا ولایت له مرکز شرنې نه پيل بیا تر انګوراده د پاکستان تر پولې رسېږي.
دغه سړک له دوه لایه اسفالت سره دی چې په ټوله کې ۱۰ متره دي خو دوه، یونیم متري اړخونو هم لري د دغې پروژې لګښت چې ۲۵ میلیونه ډالره دی د آسیا پراختیايي بانک له لوري ور کول کېږي .
د فواید عامې وزیر انجنیر محمود بلیغ د دغه سړک رغول یو مهم ګام وباله او زیاته ئې کړه ګټونکی شرکت اړ دی چې دغه پروژه په ستندرد ډول او پرته له کومې نیمګړتیا نه د دوو کلو په اوږدو کې بشپړه او ګټې اخیستنې ته ئې و سپاري.
د فواید عامې وزیر د دغه ولایت له اوسېدونکو او امنیتي چارواکو نه وغوښتل چې د یادې پروژې د پشپړولو په برخه کې دې پوره همکاري وکړي.
نوموړي له ګټونکي شرکت نه وغوښتل چې د یاد سړک په رغولو کې دې ناغېړي نه کوي او دوي ته به هیڅ ډول عضر د منلو وړ نه وي.
ورته مهال د پکتیکا والي د دغه سړک د لوړ کیفیت او د نظارت په برخه کې ورته د جدي پاملرنې ژمنه وکړه او زیاته ئې کړه چې په دغه برخه کې به د هر ډول فساد مخه نیسي.
د دغه سړک د رغولو چارې د افغان – ترک ګډ شرکت په غاړه دي او کوریايي دانګ ایل شرکت به د یادې پروژې نظارت په غاړه ولري.
ښاغلوماخو دتلویزیون په خبرونوکی د ۵۲ ملیونو ډالرو خبره واوریده، نه پوهیږم چه تاسی تیروتنه کړیده اوکه تلویزیون، دمهربانی له مخی په خپلو لیکنو کی دقیق اوسی.