تاند- نامعلومو وسله والو پرون /جمعه/ په پاکستان کې د افغان طالبانو یو مهم مشر وویشت.
د پاکستان ډیلي ټایمز ورځپاڼې د طالبانو د سرچینو په قول وویل، مولوي داوود، چې پخوا د طالبانو د کابل والي و، پېښور ته نژدې شمشتو کمپ ته د تګ په لاره کې وویشتل شو.
سرچینې وايي چې په دې برید کې د مولوي داوود موټرچلوونکی هم وژل شوی دی.
تراوسه پوري کومې ډلې د دې برید مسوولست په غاړه نه دی اخیستی.
تر دې وړاندې هم په پاکستان کې د طالبانو یو شمېر مشران په ورته ډول ترور شوي دي.
طالبان دا ډول حملې د افغانستان د ملي امنیت د عناصرو کار بولي.
تېر کال په پېښور ښار کې د طالبانو یو مشر قاري مراد په ورته ډول ووژل شو.