د كندهار پوهنتون اووه تنه استادان، د كندهار ولايت مقام او د كندهار د ځينو ملي تجارانو په مالي مرسته، د ماسټرۍ له پاره تايلينډ هيواد ته ځي.
نوموړو استادانو په نړيواله كچه، د ازاد سيالۍ له لاري، په دې پروسه كي ګډون كړى وو، چي په پايله كي ئې، د ماسټرۍ د (۴۸) كريډيټونو څخه، (۳۶) كرېډيټونه د فېلوشيپ (fellowship) په ډول تر لاسه كړل .
په دغو اوو تنو استادانو كي ئې، شپږ تنه د انجينېرۍ په برخه دي، چي يو تن د اوبو د انجينېرۍ او مديريت ، دوه تنه د چاپيريال د انجينېري او مديريت، دوه تنه د انرژي د انجينېرۍ، يو تن د ساختماني انجينېرۍاو مديريت په برخو كي، د آسيا د تكنالوژۍ انسيتوت Asian Institute of Technology (AIT) ته، چي په نړيواله سطحه يو منل سوى پوهنتون دئ او د نړۍ د (۴۰) هيوادو محصلين د ماسټرۍ او دوكتور په برخه زده كړي پكښي كوي، ځي او يو تن د مايكرو بيولوژي په برخه كي د تايلينډ هيواد، ماهيدول پوهنتون ته، چي د تايلينډ هيواد لوى دولتي پوهنتون او په نړيواله سطحه يو منل سوى پوهنتون دئ، ځي.
كندهار پوهنتون تر اوسه پوري (۵۵) تنه د ماسټرۍ په سطحه استادن لري او (۲۶) تنه نور استادان ئې په هيواد كي دننه او تر هيواد دباندي په ماسټري بخت دي.
د يادوني وړ ده، چي كندهار پوهنتون، د هيواد په كچه، د لومړي ځل له پاره د اوبو او چاپيريال او انرژۍ څانګي، د انجينېرۍ پوهنځي په چوكاټ كي پرانيستي دي .
الله ج دا تجارانو ته اجر وركري
چه زموزافغانستان په پشو جگ ودريزي