مطبوعاتي اعلامیه
دوشنبه، د عقرب 19 مه 1393
د مالیې وزارت د یوې ښځینه کارمندې د وژلو په اړه د مالیې وزارت د تسلیت او همدردۍ پیغام
په ډیرې خواشینۍ سره مو خبر ترلاسه کړ چې د مالیې وزارت د ګمرکونو ریاست یوه کارکوونکې آغلې ملالۍ د خلیل الله لور چې د حامد کرزي په نړیوال هوایي ډګر کې یې د ګمرک آمریت د مسافرینو په څانګه کې کار کاوه، دوه ورځې وړاندې د نامعلومو کسانو له خوا وتښتول شوه او په ډیرې بې رحمۍ سره ووژل شوه چې مړی یې د لوګر ولایت په مربوطاتو کې وموندل شو.
د مالیې سرپرست وزیر حضرت عمر زاخیلوال د مالیې وزارت د ټولو کارکوونکو په استازیتوب دا بې رحمانه وژنه په کلکو ټکو غندې، مرحومې ته د جنت الفردوس او کورنۍ ته یې د زړه له کومې تسلیت او همدردي وړاندې کوي.
ډاکټر حضرت عمر زاخیلوال
د افغانستان د مالیې سرپرست وزیر
no
انا للله و انا اله راجعون