بصيرالحق عادل
د «مقاله ليکنې بنسټونه» د ځوان ليکوال پوهنيار سيد اصغر هاشمي تازه چاپ شوی کتاب دی چې د مقاله ليکنې په اړه پکې بېلابېل مالومات راټول شوي دي.
په دغه کتاب کې د مقالې پېژندنه، د مقاله ليکلو هنر، د سوژې موندل، د مقالې پيل، پای، د مقالې ليکلو ارزښت، ډولونه، هدف، علمي، ادبي، رسمي او غير رسمي مقالې او په ټوله کې مقالو پورې تړلو موضوعاتو په اړه مالومات راټول شوي دي.
دا کتاب د هاشمي خپرونديې ټولنې له لوري په ۵۸ مخونو کې په ښکلې پښتۍ چاپ شوی دی.
پوهنيار سيد اصغر هاشمي چې د کونړ پوهنتون استاد هم دی ترڅنګ يې ځوان څېړونکی او ژباړن دی چې تر دې دمه يې لسګونه، تخليقي، تحقيقي اثار او ژباړې چاپ او خپرې شوي دي.