تاند- تازي ته د دې لپاره (افغان ډاګ) وايي چې اصلاً له افغانستانه نورو هیوادونو ته تللی یا وړل شوی دی.
دا تازي، د نړۍ یو تر ټولو ښکلی تازي یا افغان ډاګ بلل شوی دی او عکسونو ته یې تر ډېرو مشهورو ستورو زیات لایکونه ورکړای شوي دي.
دا عکسونه، چې د سږ کال په جون کې خپاره شول، تراوسه پوري په انترنیټ کې تر یو ملیون ځلي زیات شریک (Share) شوي دي.
د دغه تازي خاوند لوک کفاناګ، چې د امریکا په اویستر بې کې اوسي، وايي چې په دې خوښي کوي چې خلک د ده تازي دومره خوښوي.
