تاند- له یوې تازه څېړنې سره سم، د نړۍ په ۱۰ تر ټولو قیمتي ښارونو کې سینګاپور لومړی دی.
د قیمتۍ له نظره د نړۍ درېم زیات ګران ښار هم په اسیا کې دی. له پاریس وروسته هانګ کانګ درېم زیات قیمتي ښار دی.
د سروې له مخې، په لسو تر ټولو قیمتي ښارونو کې څلور په اروپا کې دي.
۱- سینګاپور
۲- پاریس (فرانسه)
۳- هانګ کانګ (چین)
۴- زوریخ (سویس)
۵ – جینیوا (سویس)
۶ – اوساکا (جاپان)
۷ – سیول (جنوبي کوریا)
۸- کوپینهېګن (ډنمارک)
۹- نیویارک (امریکا)
۱۰ – تل ابیب (اسراییل)
۱۱- لاس انجلس (امریکا)
دا سروې د نړۍ په ۱۳۳ ښارونو کې د ۱۶۰ شیانو لکه، د خوړو، څښاک، ترانسپورت، د برېښنا، ګاز، اوبو د محصول او د کرایې د ارزښت پر اساس شوې ده.
په دې سروې کې په پاریس کې د ښځو د وېښتو جوړولو لګښت ۱۱۹ ډالره ښودل شوی خو د سویس په زوریخ کې ۷۳ اعشاریه ۹۷ او د جاپان په اوساکا کې ۵۳ اعشاریه ۴۶ ښودل شوی دی.
سروې ښيي چې په اروپايي ښارونو کې د کور د وسایلو، شخصي مسایلو (روغتیا، سینګار) او تفریح لګښت مخ په زیاتېدو دی.
په دې سروې کې ۱۰ تر ټولو ارزانه ښارونه هم څرګند شوي چې د وینزویلا پلازمېنه کاراکاس یې په سر کې دی. خو د هند ۳ ښارونه د نړۍ په ۱۰ ارزانه ښارونو کې شامل دي.
د نړۍ ارزانه ښارونه دا دي:
۱- کاراکاس (وینزویلا)
۲- دمشق (سوریه)
۳- تاشکند (ازبیکستان)
۴- الماتي (قزاقستان)
۵- بنګلور (هند)
۶- کراچۍ (پاکستان)
۷- لاګوس (نایجریا)
۸- بوینس ایریس (ارجنټاین)
۹- چینای (هند)
۱۰ – نوی ډیلی (هند)