اغا قریشي
نن سه شنبه د وري د میاشتي ۲۶مه د هلمند د ملي امنیت د څارنوالۍ نوی رئیس سید عبدالمتین آغا په دنده و ګمارل سو، هغه د یوې پرتمینې غونډې پر مهال چې پکې د هلمند د ملي امنیت رئیس جنرال مومن، د استناف څارنوال، قومي مشرانو، دولتي چارواکو او نورو مخورو ګډون کړی و، د ملي امنیت د څارنوالۍ د رئیس په توګه مرفي سو.
د ملي امنیت رئیس په خپلو خبرو کې د پخواني رئیس څخه مننه او ستاینه وکړل او د نوي رئیس ښاغلي سید عبدالمتین آغا څخه یې د ښې همږغۍ غوښتنه وکړل او ورسره یې د همکارۍ ژمنه وکړل. په وار سره د هلمند د ملي امنیت د څارونوالۍ نوي رئیس هم خبرې وکړې، هغه د هلمند ولس ته ژمنه ورکړه چې په خپله دنده کې به له عدالت او رښتنوالۍ څخه کار اخلي او د ملي امنیت د ریاست او نورو اړوند ادارو سره یې پر همږغۍ او مشورې کولو ټینګار وکړ.
د غونډي په پای کې د ملي امنیت د څارنوالۍ نوی رئیس د غونډي د ټولو ګډونوالو له لورې بدرګه سو او پر څوکۍ له کښېنولو سره سم یې هغه ته مبارکۍ وویلې.